मधेसखबर
वीरगन्ज,२० असोज : जनमत पार्टीका अध्यक्ष डाक्टर सीके राउतले आगामी निर्वाचनमा कुनै पनि दलसँग चुनावी तालमेल वा गठबन्धन नगर्ने बताएका छन् ।
आफ्नो सचिवालयको पेज मार्फत अध्यक्ष राउतले चुनावमा तालमेल वा गठबन्धन नहुने स्पष्ट पारेका हुन् ।
उनले विरोधी पार्टीहरूले भ्रम फैलाएको भन्दै त्यस्तो भ्रमबाट सतर्क रहन नेता कार्यकर्तालाई अनुरोध पनि गरेका छन् ।
सिके राउतले आफनो सचिवालयको पेजमा लेखेका छन ्, ‘भ्रममा नपरौँ , कुनै गठबन्धन वा तालमेल छैन , सबै ठाउँमा हाम्रो उम्मेदवार हुनेछ, आइतबार प्रमाणित हुने नै छ ।’
उनले मधेसका सबै स्थानमा उम्मेदवारी दिने पनि दाबी गरेका छन् ।यसअघि जनमत पार्टीका नेताहरूले मधेसको मुद्दा बोकेका पार्टीहरूसँग चुनावी तालमेल गर्न सक्ने बताएका थिए ।
