मधेसखबर
वीरगन्ज,११ कार्तिक : जनता समाजवादी पार्टी नेपाल र नेकपा एमालेबाट पर्सा क्षेत्र नम्बर ३ ख मा प्रदेश सभा सदस्यकी उम्मेदवार डा. मधु गुप्ता जनताको मनमा बस्न सफल भएको जसपाका नेता कार्यकर्ताले बताएका छन ।
चुनावी घरदैलोको क्रममा जनताको घर आँगनमा पुग्दा निर्वाचन अघि नै जनताले डा मधुलाई टिका लगाई जीत निश्चित भएको प्रतिक्रिया दिने गरेको उनीहरुले बताएका छन् ।
जसपा केन्द्रीय सदस्य सल्मा खातुनुका अनुसार युवा र नयाँ नेतृत्व भएका कारण मधुको पक्षमा मतदाताको भरोसा बढेर गएको छ ।
जसपा पर्सा क्षेत्र नम्बर ३ का क्षेत्रीय अध्यक्ष नागेन्द्र प्रसाद यादवले पनि डा. गुप्तप्रति मतदाताको लहर बढ्दै गएको र मंसिर ४ मा हुने चुनावबाट त्यसको औपचारिक अनुमोदन हुने दाबी गरेका छन् ।
