मधेसखबर
वीरगन्ज ,२९ कार्तिक : पर्सा क्षेत्र नम्बर ३ ( ख ) की प्रदेशसभा सदस्यकी उम्मेदवार डा मधु गुप्ता कुर्मीले आफ्नो जित सुनिश्चित भएको देखेर केही व्यक्तिहरुले अत्तालिएको र उनीहरु आफ्नो विरुद्धमा निराधार कुप्रचारमा लागेको बताएकी छन् ।
तर, आफ्नो क्षेत्रका मतदाता सचेत भएकाले त्यस्ता निराधार हल्लाको पछि नलाग्ने उनले विश्वास व्यक्त गरेकि छन् । चुनावी घरदैलोको क्रममा सञ्चारकर्मीहरुसित कुरा गर्दै डा. मधुले विरोधीले आफूविरु गलत प्रचार गरे पनि त्यसले मतदाता झन आफ्नो पक्षमा लागेको दाबी गरिन् ।
‘पर्साका मतदाता परिवर्तनको पक्षमा हुनुहुन्छ । सचेत मतदाता के सही र के गलत आफैं छुट्याउन सक्नु हुन्छ । कसैले मेरो विरुद्धमा अफवाह फैलाएर मत प्रभावित गर्न खोज्छ भने त्यस्ता तत्वलाई मैले होइन, मतदाताले आफ्नो मतमार्फत जवाफ दिनुहुन्छ,’ उनले भनिन् ।
