मधेसखबर
वीरगञ्ज , साउन २४ गते । कोरोना संक्रमितको संख्या मंगलबार एक हजार नाघेको छ । त्यस्तै कोरोना भाईरस संक्रमणका कारण दुई जनाको मृत्यु भएको छ ।
पछिल्लो २४ घण्टामा ६ हजार ३ सय जनाको परीक्षणमा १ हजार ९० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।
जसमध्ये २ हजार ९५८ जनाको पीसीआर परीक्षण गर्दा ६ सय ५० जना र ३ हजार ३ सय ४२ जनाको एन्टिजेन परीक्षण गर्दा ५ सय ३० जनामा संक्रमण देखिएको मन्त्रालयले जनाएको हो
।
योसँगै कोरोना भाइरसको सक्रिय संक्रमितको संख्या हाल ५ हजार ८ सय ०६ पुगेको छ । पछिल्लो २४ घण्टामा ४ सय ३८ जना संक्रमणमुक्त भएका छन् ।
जसमध्ये ५ हजार ५ सय ९३ जना होम आइसोलेसनमा रहेका छन् भने २ सय १३ जना संस्थागत आइसोलेसन र ६१ जना आईसीयूमा छन् ।
यस्तै ७ जनाको भेन्टिलेरमा राखेर उपचार भइरहेको मन्त्रालयले जनाएको छ ।
मंगलबार थपिएसँगै नेपालमा कोरोना संक्रमितको कुल संख्या ११ लाख ३६ हजार ७ सय ६२ पुगेको छ ।
