वीरगन्ज,११ कार्तिक : बाराको पथलैयामा मोटरसाइकल र बस ठोक्किदा एक जनाको मृत्यु भएको छ । अर्का एक जना घाइते भएका छन् ।
जीतपुरसिमरा उपमहानगरपालिका–१ स्थित पथलैया चोकमा पूर्वबाट हेटौंडा तर्फ जादै गरेको बा.प्र ०३(०४ प ८९७८ नम्बरको मोटरसाइकल त्यही दिशाबाट गइरहेको ना ५ख ५८०५ नम्बरको बससँग ठोक्किदा हेटौंडा उपमहानगरपालिका–१६ हटियाकी ४५ वर्षीया होमाकुमारी मगरको मृत्यु भएको हो । दुर्घटनामा उनका २० वर्षीया छोरा पुजल थापा मगर घाइते भएका छन् ।
दुर्घटनामा परि गम्भीर घाइते होमाकुमारीको उपचारका लागि अस्पताल लैजाने क्रममा बाटोमा मृत्यु भएको हो । मोटरसाइकल चालक पुजलको सिमरा स्थित अल्पाइन अस्पतालमा उपचार भइरहेको छ ।
प्रहरीले बस र चालकलाई नियन्त्रणमा लिएको छ ।
