मधेसखबर
वीरगन्ज,१२ असोज : नेपाली काँग्रेस पर्साका पूर्व सभापति रााजेन्द्र बहादृर अमात्यले समयमै सचेत हुन पार्टी नेतृत्वलाइ सुझाव दिएका छन् ।
पार्टी सभापति शेर बहादुर देउवाले उम्मेदवार छनौटमा एकलौटी गरेको भन्दै त्यसलाइ सच्याउन माग गर्दै बुधबार पार्टी केन्द्रिय कार्यालय सानेपामा शेखर समुहले आयोजना गरेको धर्ना कार्यक्रमलाइ सम्बोधन गर्दै अमात्यले यस्तो सुझाव दिएका हुन् ।
संविधानसभा सदस्य समेत रहेका अमात्यले पार्टी नेतृत्व समयमै सच्चिएन भने त्यसको दुष्परिणाम भोग्ने चेतावनी पनि दिए । उनले भने ,‘ आँधी आउनु भन्दा पहिले वातावरण शान्त हुन्छ तर जब आँधी आउछ तब त्यसले कति तहश नहश पार्छ त्यसको हेक्का पहिले कसैले राखेको हुदैन ।
अमात्यले पार्टी नेतृत्वले कसैलाई काखा र कसैलाइ पाखा गरे स्वभाविक रुपमा विद्रोेह हुने बताए । उनले भने ,‘ त्यसैले म यहि धर्ना कार्यक्रमबाट नेतृत्वलाइ सचेत गराउन चाहन्छु अझै समय छ बेलैमा नेतृत्वले ध्यान देओस् होइन भने यसबाट उत्पन्न हुने परिस्थितीले कसलाइ कहा पुरयाउछ त्यसको ठेगान छैन ।
अमात्यले काँग्रेस पार्टी कोहि पनि नेता विशेषको पार्टी नभइ लाखौं नेता कार्यकर्ताको रगत र पसिनाबाट सिन्चित पार्टी भएको यथार्थलाइ नबिर्सन पनि नेतृत्वलाइ आग्रह गरे ।
