मधेसखबर
वीरगन्ज,१४ भदौं : वनशक्ती युवा क्लब , पर्साको ठोरी गाउँपालिका वडा नम्बर १ मा जारी तिजकप नकाउट फूटबल प्रतियोगिताको फाइनलमा प्रवेश गरेको छ।
मङ्गलबार भएको सेमीफाइनल खेलमा आयोजक निर्मल समाज क्लब ठोरी १ लाई ४-० गोल अन्तरले पराजित गर्दै वनशक्ती युवा क्लब ठोरी २ , फाइनलमा प्रवेश गरेको हो।
वनशक्तीका लागि विवेक गुरुङले २ तथा अनिल थापामगर , सागर लामिछाने र राज तमांगले १/१ गोल गरेका हुन् । उक्त खेलको म्यान अफ दी म्याच वनशक्ती युवा क्लबका विमल लामा घोषित भए।
बुधबार दोस्रो सेमिफाइनल खेल गोल्डेन इमिनेट बसन्तपुर माडी र निर्मल समाज युवा क्लब ठोरी ४ बिच हुने अध्यक्ष जगेन्द्र पौडेलले जानकारी दिए।
पर्सा र चितवनको गरी २८ टिमको सहभागिता रहेको प्रतियोगिताको फाइनल खेल भदौं १७ गते हुने छ।
