प्रमोद यादव
वीरगन्ज,२३ कार्तिक : पर्साको भेडाहा खोलाबाट बालुवाको तस्करी गर्ने चार वटा ट्याक्टर प्रहरीले नियन्त्रणमा लिएको छ ।पर्सागढी नगरपालिका र बिरगंज महानगरपालिका अन्तर्गत पर्ने भेडाहा खोलाबाट बुधबार अपरान्ह प्रहरीले तीन वटा ट्याक्टर नियन्त्रणमा लिएको हो ।
भेडाहा खोलाबाट गिट्टी बालुवाको चोरी तस्करी र अवैध ओसारपसार भइरहेको भन्ने स्थानीयको सूचनाको अधारमा खटिएको प्रहरी टोलीले बुधबार अपरान्ह तीन वटा ट्याक्टर खोलाबाटै नियन्त्रणमा लिएको हो ।
प्रहरी चौकी मिलनचोक र सशस्त्र प्रहरी वेस क्याम्प बेलवाबाट एक सय मिटरकै दुरीमा रहेको भेडाहा खोलाबाट ईलाका प्रहरी कार्यालय पटेर्वासुगौलीका प्रहरी निरिक्षक किशोर आचार्यको नेतृत्वमा खटिएको प्रहरीले भेडाहा खोलाबाट बालुवा लोडल गर्दै गरेको प्रदेश नंबर २ –०१–००१ त१६३७, ना६ त १७५९ र ना ५ त ६९८८ नम्बरको ट्याक्टर नियन्त्रणमा लिएको हो ।
तस्कर र ट्याक्टरका चालकहरु भने फरार भएको प्रहरीले जनाएको छ । नियन्त्रणमा लिइएका ट्याक्टरहरु जिल्ला प्रहरी कार्यालय पर्सामा राखिएको छ ।
