मधेसखबर
वीरगन्ज, २२ कार्तिक :नेकपा एमालेको विधार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले बिबिएको अन्तरवार्ता पुनः लिन माग गर्दै वीरगन्ज स्थित ठाकुरराम बहुमुखी क्याम्पसमा तालाबन्दी गरेको छ ।
अनेरास्ववियुका क्याम्पस क्याम्पस कमिटी अध्यक्ष आशिफ अहमद र उपाध्यक्ष अरमाण हासमी नेतृत्वको समुहले क्याम्पसमा तालाबन्दी गरेको हो । बिबिएको अन्तरर्वातामा विभेद भएको भनेर आपत्ती जनाएको अनेरास्ववियुले फेरी अन्तरर्वाता लिन माग गरेको हो ।
यही कार्तिक ६ गते क्याम्पसको बिबिए भवनमा भएको अन्तरवार्तामा सबै प्रश्नको उत्तर दिँदा पनि ५ भन्दा बढी अंक नदिएको भन्दै अनेरास्ववियुले विज्ञप्तीमार्फत आपत्ति जनाइएको छ । साथै राजनीतिक पार्टीको पावरमा आएका विद्यार्थीहरुलाई १० मा १० अंक दिएर बिबिएमा नाम निकालेको आरोप पनि लगाइएको छ ।
