प्रमोद यादव
पर्सा,२३ भदौं : वीरगन्जको ग्रामीण भेगबाट वनगस्ती टोलीले ठूलो परिमााणमा रहेको सालको गोलीया काठ सहित एक जनालाइ पक्राउ गरेको छ ।
वीरगन्ज महानगरपालिका वडा नम्बर ३१ बाट वनगस्ती टोलीले दुइ थान सालको गोलीया काठ सहित वीरगन्ज ३१ कै ५० बर्षिय रामानन्द महत्तोलाइ पक्राउ गरेको हो ।
सव डिभिजन वन कार्यालय सबैया अन्तर्गत पर्ने राष्ट्रिय वनबाट अबैधरुपमा सालको काठ ,साइकलमा लोड गरेर ल्याउदै गरेको अवस्थामा महत्तोलाइ वनगस्ती टोलीले बिहीबार बिहान वीरगन्ज ३१ बाट पक्राउ गरेको हो । काठ र साइकल सहित पक्राउ परेका महत्तोलाइ करबाहीको लागि डिभिजन वन कार्यालय पर्सामा बुझाईएको सुबेदार प्रदिप कुमार तिमल्सिनाले जानकारी दिए ।
