मधेसखबर
वीरगन्ज,१४ भदौं : नेपाल र केन्याबीचको पाँचौ तथा अन्तिम टी-२० खेल आज (मङ्गलबार) हुँदैछ ।
यसअघिका चार खेल मध्ये दुवैले दुई/दुई खेल जितेकोले आजको खेल शृंखलाको निर्णायक हुनेछ । आजको खेल जित्नेले शृंखला जित्नेछ ।
यसअघि चौथो खेलमा नेपालसामु शृंखला जित्ने अवसर भए पनि १०२ रनको लक्ष्यसमेत पूरा गर्न नसक्दा नेपाल ७ रनले पराजित भएको थियो ।
पहिलो र तेस्रो खेल नेपालले जित्दा केन्याले दोस्रो र चौथो खेल जितेको थियो ।
