मधेसखबर
वीरगन्ज,१६ असोज : बडादशैंको सातौ दिन आज (आइतबार) वीरगन्ज महानगरपालिका वडा नम्बर १३ मा रहेको राधेमाइ मन्दिरमा पनि हर्षबडाइका साथ फूलपाती भित्रयाइएको छ ।
संघीय सरकारका वन तथा वातावरणमन्त्री प्रदीप यादवले डोला बोकेर टोलको परिक्रममा गरि राधेमाई मन्दिरमा फूलपाती भित्रयाएका हुन् ।वनमन्त्री यादवले प्रत्येक वर्ष राधेमाई मन्दिरमा फूलपाती भित्रयाउने गरेका छन् ।
राधेमाइ मन्दिरमा फूलपाती भित्रयाउने क्रममा स्थानीय समाजसेवी , क्लबका सदस्य , मन्दिर सन्चालक समितिका पदाधिकारी , सदस्यका साथै हजारौं श्रद्धालु भक्तजनहरुको पनि सहभागीता थियो ।
यस्तै वीरगन्जको गहवामाइ मन्दिर , वीर्तामाइ मन्दिरका साथै दुर्गाृभवानीको प्रतिमा स्थापना गरिएका पण्डालहरुमा पनि आज फूलपाती भित्रयाइएको छ । प्रत्येक वर्ष दूर्गा पक्षअन्तर्गत आश्विन शुक्ल सप्तमीका दिन शास्त्रीय विधिअनुसार नवपालुवा भित्राउन परम्परा रहेको छ ।
