मधेसखबर
वीरगन्ज,३१ साउन : वीरगन्जमा मङ्गलबार जनता जनार्धन पार्टी नेपालको घोषणा गरिएको छ ।
नेपाल पत्रकार महासंघ पर्साको सभाहलमा मङ्गलबार पत्रकार सम्मेलन गरि जनता जनार्धन पार्टी नेपालको घोषणा गरिएको हो ।
पार्टीका केन्द्रिय सदस्य प्रमोद सहनी निषादको अध्यक्षता एवं केन्द्रिय अध्यक्ष जितेन्द्र सहनी निषादको प्रमुख आतिथ्यतामा आयोजित पत्रकार सम्मेलनमा उक्त पार्टीको घोषणा गरिएको हो ।
पत्रकार सम्मेलनमा बोल्दै पार्टीका केन्द्रिय अध्यक्ष निषादले नेपालमा अहिलेसम्म रहेका दलहरुले राजनितिलाई व्यवपार बनाएकोले बाध्य भएर नयाँ दल खोल्नु परेकोबताए ।
उनले अहिलेको विधमान शासन व्यवस्था परिवर्तन गर्न, वेरोजगारीको समस्या अन्त्य गर्न र राजनिति मार्फत नेपाली जनताको सेवा गर्न जनार्धन पार्टी नेपाल दल खोलेको बताए ।
पत्रकार सम्मेलनमा पार्टीका नेताहरु जयकिसुन मुखिया, बिनोद जयसवाल, सुदामा मुखिया लगायतको पनि उपस्थिति थियो ।
निषादले २१ सदसिय केन्द्रिय कार्य समिती गठन गरिएको तथा जिल्ला र ३ वटा प्रदेशमा कमिटी गठन गर्ने पनि जानकारी दिए।
