मधेसखबर
वीरगन्ज,११ कार्तिक : मधेस प्रदेशका मुख्यमन्त्री लालबाबु राउतले चुनाव लडेको पर्सा क्षेत्र नम्बर १ को (ख) मा युवा उम्मेदवार ओमप्रकाश सर्राफको लोकप्रियता बढ्दै गएको छ । चुनावी घरदैलोका क्रममा मतदाताले लौरो चुनाव चिन्ह लिएर प्रदेशसभा सदस्यमा चुनाव लडेका युवा उम्मेदवारलाई समर्थन जनाइरहेको पाइएको छ ।
‘राष्ट्र निर्माणको अभियान ‘छडी’ छापमा मतदान’ भन्ने नाराका साथ बिहिबार राती वीरगन्ज १६ मा पर्ने मिथिलानगर, डबरी टोल र वडा नम्बर ७ को रामटोलमा चुनावी छलफल तथा भेला गरेका सर्राफलाई मतदाताले अत्याधिक मत दिएर जिताउने घोषणा गरेका छन् ।
चुनावी भेलालाई सम्बोधन गर्दै युवा उम्मेदवार सर्राफले आफनो अमूल्य मत पैसावाला उम्मेदवारलाई विक्री नगर्न आग्रह गरे । उनले भने , ‘ विगतका दिनमा चुनाव जितेर गएका नेताहरुले व्यापक भ्रष्ट्रचार गरेका छन, त्यही पैसाले पुन मत खरीद गर्न तपाईहरु माझ आउँने छन, त्यस्ता भ्रष्ट्रचारीलाई आफनो अमूल्य भोट नबेच्न जनतालाई आग्रह गरे ।’
उनले भने, आर्थिक समाजिक रुपान्तरणको लागि तपाईको मत अमूल्य छ, यसलाई भ्रष्ट्रचारीको हातबाट बेच्यो भने, पुन देशमा भ्रष्ट्रचार निम्त्याउँछ र तपाईको शहर, गाउँ र देश विकास गर्न सक्दैन त्यसैले त्यस्ता भ्रष्ट्र नेताहरु संग सावधान बस्नु पर्छ ।
भ्रष्ट्रचारमा मुछिएका मधेस प्रदेशका मुख्यमन्त्री मोहमद लालबाबु राउत गद्दी माथि कटाक्ष गर्दै युवा उम्मेदवार सर्राफले भने, भ्रष्ट्रचारीलाई पैसाको प्रलोभनमा आफनो मत बेच्यो भने, त्यसमाथि तपाईहरुको अधिकार हुदैन, यदी निशुल्क सहयोग गर्नुहुन्छ भने भोलीका दिनमा नेताहरुलाई कठालो समातेर पनि आफनो काम धाकले गराउँन सक्नु हुन्छ, त्यसैले एउटा सचेत नागरिकको हैसियतले पनि आफनो अमुल्य मत विक्री नगर्नुस्, तपाईको हितमा काम गर्नेलाई नै भोट दिन आग्रह समेत उनले गरे ।
उनले भने, विगतमा पनि मैले शिक्षा र अस्पतालको विषयमा आवाज उठाएकै छु । म संग भिजन छ, म चुनाव जिते सर्वप्रथम शिक्षामा सुधार ल्याउँने छु । सरकारी अस्पताललाई सुविधासम्म बनाउँने छु । कुनैपनि गरिब जनतालाई उपचार र शिक्षाबाट बन्चित हुन दिदिन्, सेवा गर्ने एकपल्ट मौका दिनुसु, उनले भने ।
अहिले आर्थिक अभावमा केहि दुव्र्यवसनीमा परेको युवाहरु अलपत्रमा परेका छन । उनले भने, मेरो योजना छ , ‘दुव्र्यवसनीमा परेका युवालाई सुधार केन्द्रमा आफनै खर्चबाट उपचार गराउँने छु । पूर्ण रुपमा निको भईसकेका युवाहरुलाई रोजगार र शिपको व्यवस्था मिलाउँन प्रतिबद्ध छु ।’ चुनावी सभामा सहभागि स्थानियले लौरो उम्मेदवार सर्राफलाई मत दिई सहयोग गर्ने प्रतिबद्धता समेत जनाएका थिए।
