मधेसखबर
वीरगन्ज , २१ असोज : सत्तारुढ गठबन्धनको सिट बाँडफाँट गर्न शुक्रबार बालुवाटारमा बसिरहेको बैठकबाट जनता समाजवादी पार्टी (जसपा) बाहिरिएको छ । जसपा बाहिरिएपछि सत्तारुढ गठबन्धनमा तालमेल जुटाउन लोकतान्त्रिक समाजवादी पार्टी (लोसपा) बैठकमा प्रवेश गरेको छ ।
बालुवाटार स्रोतका अनुसार जसपाले गठबन्धन छोडेर एमालेसँग चुनावी तालमेल गर्ने भएपछि सत्तारुढ गठबन्धनले लोसपालाई बैठकमा सहभागी गराएको हो ।
लोसपाका एक नेताका अनुसार बालुवाटार बैठकमा लोसपाका नेताहरू शरतसिंह भण्डारी, अनिल झा, जितेन्द्र सोनल लगायतका नेताहरू सहभागी छन् ।
जसपाका अध्यक्ष उपेन्द्र यादवसहितका नेताहरू भने बिहीबार साँझदेखि नै एमाले अध्यक्ष केपी शर्मा ओलीसहितका नेताहरूसँग चुनावी तालमेलका लागि छलफलमा थिए । शुक्रबार पनि जसपा नेताहरु एमालेसँग छलफलमा सहभागी छन् ।साभारः कान्तिपुर