मधेसखबर
वीरगन्ज ,२५ भदौ : सत्तारुढ गठबन्धनका शीर्ष नेताहरुले सिट बाँडफाँटको विषय भोलि (सोमबार) टुंगो लगाउने बताएका छन् ।
आइतबार विहान प्रधानमन्त्री निवास बालुवाटारमा बसेको गठबन्धनका शीर्ष नेताहरुको बैठकमा कार्यदलले गरेको कामबारे व्रिफिङ भएको थियो ।
कयौं कुरा मिलेका छन्, कयौं मिलाउन बाँकी भन्ने रिपोर्टिङ भएको छ,’ नेकपा एकीकृत समाजवादीका नेता झलनाथ खनालले भने, ‘भोलि (सोमबार) सबै टुंगो लगाउने निर्णय गरेका छौं ।’
सोमबार बैठक बसेर अधिकांश विषय टुंगो लगाइने उनको भनाइ छ।
कांग्रेस नेता कृष्णप्रसा सिटौलाको नेतृत्वमा गठन भएको सिट बाँडफाँट कार्यदलले प्रतिवेदन शीर्ष तहमा बुझाएको थियो। तर पनि पटकपटक छलफल हुँदा पनि गठबन्धनले सिट बाँडफाँटको अन्तिम रुप दिन सकेको छैन।
