मधेसखबर
वीरगन्ज,११ भदौं : पर्सा राष्ट्रिय निकुञ्ज कार्यालयको प्रमुख संरक्षण अधिकृत (वार्डेन) को जिम्मेवारी डाक्टर अशोक रामले पाएका छन् ।
वन तथा वातावरण मन्त्रालय अन्तर्गतको राष्ट्रिय निकुञ्ज विभागले हात्ती विशेषज्ञ डा. रामलाई पर्सा राष्ट्रिय निकुञ्जको प्रमुख संरक्षण अधिकृतको जिम्मेवारी दिएर पठाएको हो ।
यसअघिका प्रमुख संरक्षण अधिकृत मनोज साहको निकुञ्ज विभागमा काज सरुवा भएपछि विभागले डा. रामलाई प्रमुख संरक्षण अधिकृतको जिम्मेवारी दिएको हो ।
केही समय पहिले कोशी टप्पु वन्यजन्तु आरक्षको प्रमुखको जिम्मेवारीमा रहेका डा. रामलाइ विभागले काज सरुवा गरेर विभागमै राखेको थियो।
डा.राम , हात्तीको विषयमा विद्यावारिधि गर्ने नेपालकै पहिलो र एकमात्र हात्ती विशेषज्ञ हुन् ।उनले केही बर्ष पहिले पर्सा राष्ट्रिय निकुञ्जको सहायक संरक्षण अधिकृतको जिम्मेवारी सम्हालि सकेका छन्।
